Өскемен мен ШҚО ШҚО тасқын суға дайындалып жатыр
Синоптиктер жақын арада күн жылынып, температура көтерілетіндігін айтып отыр
Құтқарушылар мен Ұлттық гвардия сарбаздары табиғат апатына дайын болуы үшін Меновное кентінде оқу-жаттығу өткізді.
Дайындалған сценарийге сәйкес, Өскемен қаласының тұрғыны "138" каналына хабарласып, үйді су басқанын айтады. Хабарлама алғаннан кейін оқиға орнына құтқарушы офицерлер мен әкімдік мамандары жол тартып, кейін "Уаз" көлігімен тәртіп сақшылары да келді. Үй мен су жағдайын анықтағаннан кейін жол талғамайтын "Нива" мінген сүңгуірлер де келіп, эвакуацияға кірісті.
Ал эвакуацияланған тұрғындар "Үлбі" әлеуметтік орталығына жеткізілді.
Жаттығуға 16 арнайы техника мен 77 құтқарушы қатысты.
