Өскемен мен ШҚО Өскемен Тәртіп кәсіпорны жекешелендіріледі
Коммуналды қызмет кәсіпорнын жекеге беру ісі былтыр басталған екен
Енді шілде айына дейін кәсіпорынның жартылай бөлігі жеке кәсіпкердің қолына өтетін болады. Ел үкіметінің 2016-2020 жылдарға арналған жекешелендіру қаулысының орай, Өскемен Тәртіп те мемлекет меншілігінен босатылып, жекешелендірілмек.
- Мемлекеттік коммуналды кәсіпорындарды жекешелендіру көптен бері қолданылып келе жатқан тәжірибе. Яғни, кәсіпорынның жеке кәсіп үшін қолдануға жарамды бөлігі жекенің қолына өтуі тиіс, - дейді Өскемен қалалық әкімдігі.
Бұл жағдай тек жұмысшыларға ғана ауыр болып отыр.
- Кәсіпорынды жабу туралы шешім былтыр шыққан. Бірақ әлі жұмыстан босаған ешкім жоқ. Жұмыстан шыққан қызметкерлерге өтемақы төленіп, Жұмыспен қамту орталығына есепке алынады, - дейді Өскемен Тәртіп баспасөз хатшысы Владимир Землянский.
Ал Өскемен әкімдігі жұмыстан босаған қызметкерлер қайта дайындалып, жұмысқа қабылданатындығын айтады.
- Қала жолдарын күтіп-баптаумен айналысатын кәсіпорындардың бірі Өскемен Тәртіптен босаған жұмысшылардың барлығын жұмысқа қабылдаймын деп отыр, - дейді қала әкімдігі.
Өскемен Тәртіпті кім сатып алатындығы әлі белгісіз. Қазір байқау шараларын ұйымдастырылып жатыр. "Тәртіпке" кім ие болғанын байқау аяқталған соң ғана біле аламыз.
