Өскемен мен ШҚО ШҚО-да әрбір үшінші жұмысшы кәсіпкерлік саласында еңбек етеді
ШҚО әкімі Даниал Ахметов есептік кездесуінде жергілікті кәсіпкерлердің жетістігін баяндады
Өткен жылы облыста нақты жұмыс істеп тұрған шағын және орта бизнес нысандарының саны 110 пайызға көбейген, олар шығаратын өнім көлемі 123 пайызға артқан, сондай-ақ аталған субъектілерден түскен салық мөлшері 130 пайызға ұлғайыпты. Мұнымен қоса, былтыр өңірде жаңадан 13 мың жұмыс орны ашылған.
2018 жылы Бизнестің жол картасы бағдарламасына 2,5 миллиард теңге жұмсалған. Бизнестің субсидияланған және кепілдендірілген жобаларының саны бойынша облыс елімізде көш бастап келеді.
"Даму" қорымен бірге "Ақ Ниет" өңірлік жеңілдетілген несиелендіру бағдарламасы бойынша 51 жобаға 2,8 миллиард теңгенің қаржысы құйылды.
Мұнымен қатар, Кәсіпкерлікті қолдау картасына 71 инвестициялық жоба енгізіліпті. Ал, іске қосылған 40 жоба бүгінде өздерінің жоспарлы қуатына жеткен.
