Өскемен мен ШҚО Аз қамтылған отбасының балалары балабақшада тегін тамақтанады
Шығыс Қазақстанның облыстық бюджетінен балалардң тегін тамақтануы үшін 245 млн теңге бөлінбек
"Нұр Отан" партиясының облыстық филиалының ХХІІ конференциясында облыс әкімі Даниал Ахметов көпбалалы және аз қамтылған отбасының балаларына білім беру мекемелерінде тегін тамақ берілетіндігін хабарлады.
Одан бөлек, облыс әкімі бизнес өкілдерінен де көпбалалы аналарға көңіл бөлуін өтінді.
- Мәселен, Семей қаласында 18 жекеменшік балабақшаның иелері 49 баланы тегін тамақтандырып отыр, - дейді Даниал Ахметов.
Облыста жеке меншік пен мемлекет арасындағы серіктестікті дамыту бойынша 11,7 млрд теңге бөлінген. Одан бөлек, жыл сайын жекеменшік балабақшаларға қызмет көрсеткені үшін 2,5 млрд теңге жұмсалуда.