Өскемен мен ШҚО Министр, қазандықты бер! Ахмер тұрғындары неге тоңуға мәжбүр?
Ескі, қираған көп қабатты үйлер, суық батареялар мен ыстық судың жоқтығы, үй тола әскери киімдер - бұл екі мыңнан астам әскери қызметші мен олардың отбасылары тұратын әскери қаланың шындығы
Жергілікті тұрғындардың қолайсыздықтарға бұдан әрі шыдауға төзімі таусылған, деп хабарлайды Устинка LIVE.
- Халі нашар біздің қазандықты қашан жөндейді, бізге түсіндіріп беріңіздерші?! - деп запастағы прапорщик Татьяна Күлиш әкімнен сұрады. - Қазандықты қаланың балансына көшіру туралы мәселе бірнеше жыл бойы көтеріліп келеді. Біз өз пәтерлерімізде тоңып шаршадық, балаларды аяймыз.
Бұл сұрақтың жауабын Өскемен қаласының әкімі Жақсылық Омар қаланың бас жылу инженеріне нұсқады.
- Әскери қалашықтың қазандығы аудандық пайдалану бөлігінің (РЭЧ) балансында орналасқан, - дейді Өскемен жылу желілерінің бас директоры Ренат Оразбаев. - Адамдар біздің балансымызға беруді сұрайды, біз де дайынбыз. Бірақ әскерилер заңды түрде өткізулері керек. Өткен жылы Қорғаныс министрі Шығыс Қазақстан облысына келді, облыс әкімі Даниал Ахметов бұл мәселені талқылап, келісімге қолжеткізді. Біз қазандықты тексеріп, трансфер алгоритмін әзірледік, бірақ министрліктегілер бұл мәслені созып жатыр.
Қалалық жылу желілерінің мамандары барлық құжаттарды рәсімдеу аяқталғаннан кейін қазандықтың жөндеу жұмыстарын бастауға және қалашықтың барлық желілерін тәртіпке келтіруге уәде берді. Алдын ала деректер бойынша, мамандар осы жазда іске кіріспек ниетте. Ал Жаңа Ахмердің қалған проблемаларын халық депутаттары мен қалалық билік органдары шешеді.
