Өскемен мен ШҚО 14 қаңтарда жоғалған ШҚО тұрғыны өлі күйінде табылды
Жарма ауданы Қалбатау ауылының тұрғыны 30 жастағы Айнұр Семсенованы екі аптадан артық іздеген болатын
14 қаңтар күні сағат 15.00-де Айнұр жұмысқа шығып кетіп, кешкісін үйге оралмады. Туыстары дабыл қағып, іздеу жариялаған, деп хабарлады Устинка LIVE тілшісі.
Осы уақыт аралығында азаматшаны еріктілер мен полиция жер-жерден іздеген. Бірақ қызды өлі күйінде тапты.
- Полиция қызметкерлері Айнұрдың қайтыс болғанын растады, - деді Семей қаласы бойынша LIDER.kz үйлестірушісі Евгения Павел. - Сол күні қатты боран болатын, ол адасып кеткен.