Алматыдан ШҚО-ға рейстік автобуспен есірткі тасымалдаған

ҰҚК қызметкерлері Алматы-Самар бағытындағы рейстік автобус жүргізушісі арқылы есірткі алып отырған Көкпекті ауданында тұратын азаматшаны тұтқындаған.

Жүргізуші жеткізген ала дорбаның ішінде есірткі болған.

Ал автобус жүргізушілері бұл істе куәгерлер ретінде қарастырылуда, деп мәлімдеді ШҚО қылмыстық істер бойынша аймақаралық сотының баспасөз қызметі.

- Куәгерлерді Алматы облысында тұратындықтарын ескере отырып, сот тыңдалымды Түріксіб аудандық сотымен онлайн режімде өткізді, - деп атап өтті мекеме қызметкерлері. - Сот отырысы кезінде онлайн байланыс арқылы екі куәгер тергелді.

Сот ісі әлі де қаралу үстінде.