Өскемен мен ШҚО Өскеменде жол-көлік оқиғасы салдарынан трамвайлар тоқтап қалды
Бір автокөліктің кесірінен алты бірдей трамвай бірден тоқтатылды
Оқиға бүгін Ворошилов мен Стаханов көшелерінің қиылысында таңғы сағат 8.40-та орын алған, деп хабарлайды Устинка LIVE.
Куәгерлердің әлеуметтік желіге жүктеген бейнежазбасынан байқалғандай, қарама-қарсы бағытта келе жатқан трамвайлар, белгісіз себептермен трамвай жолдарын бөгеп тастаған көліктің кесірінен тоқтауға мәжбүр болған.
Бірден алты трамвайдың кешігуі осындай қарлы ауа райында трамвай аялдамаларында көп адамдарды күттірген болуы мүмкін.
Сонымен қатар, жолдағы жапон автокөлігімен болған апаттың нақты себептері белгісіз. Полициядан оқиға туралы ресми түсініктеме болған жоқ.
