Өскемен мен ШҚО ШҚО-да қар құрсауында 200 автокөлік қалып отыр
Оның 10-ы автобустар. Құтқарушылар адамдарды қар құрсауынан құтқару және жолды тазарту жұмыстарын жалғастыруда
Өскемен-Алматы тас жолындағы жұмыстары түнімен жалғасты. Боранның салдарынан жолдың әр түрлі аудандарында 700-ге жуық адам мен 231 техника қар құрсауында қалған.
Соңғы ақпараттар бойынша, 10 автобус, 143 жүк көлігі мен 43 жеңіл көлік әлі де жолда қалып отыр.
- Жол қызметтерінің күшімен бір жақты жол үсті тазартылды, - деп мәлімдеді ШҚО ТЖД. - Қазіргі уақытта жолды кеңейтіп, тазарту жұмыстары жалғасуда. Аягөз қаласына қарай 35 жеңіл көлік жіберілді. Полиция қызметкерлері жол қозғалысын реттеп, эвакуация орындарындағы қоғамдық тәртіпті күзетуде. Қазір боран саябырсыған.