Өскемен мен ШҚО Өскемен мұғалімдері оқушылардың оқудан қалғаны үшін айыппұл төлейтіндігі жайлы хабарлама таратуда
Егер оқушы сабаққа келмей қойса, оған айыппұлдың салынатындығы жайлы хабарламаны мұғалімдер WhatsApp мессенджері арқылы таратып жатыр
Хабарламада "Құрметті ата-аналар, балаларыңыз сабақтан қалса, түсіндірме жазып қоя беруді қойыңыздар. Егер ауырып қалса, онда оқушы анықтамасын алып келуі тиіс. Оқушы бір күн сабақтан себепсіз қалса, 15345 теңге айыппұл төлейді. Естеріңізде болсын!" деп жазылған.
Алайда Өскемен қалалық білім беру бөлімінің мамандары бұл жалған ақпарат екендігін айтып отыр.
- Бұл жалған ақпарат. Мұндай ереже жоқ. Егер бала ауырып қалса, ата-анасы сынып жетекшісіне хабарласып ескертеді. Ал сабаққа келген уақытында медициналық анықтамасын алып келуі керек. - дейді бөлім басшысының орынбасары Дмитрий Журавлев.
Сөз барысында білім басшысының орынбасары ата-ананың медициналық анықтама уақытында алуға мүмкіндігі болмаса, баланы бірнеше күнге сабақтан босату туралы түсініктеме жазып, баланы мектептен сұрап алса болатындығын жеткізді.
