Өскемендегі көшелердің бірін су басты

Куәгерлер оқиға орнынан түсірілген видеолар мен суреттерді бірден әлеуметтік желіде тарата бастаған.

- Михаэлис көшесі... Өту мүмкін емес, су басып қалған, - деп жазған Instagram желісіне бейнежазба салған азамат.

"Өскемен Водоканал" МКК хабарлағандай, қазіргі уақытта апаттық қызмет су ағуын тоқтату үшін барлығын жасап жатыр.

- Мамандар оқиға орнында, - деп жауап берді диспетчерлер. - Тиісті жұмыстар жүргізілуде.

Алайда диспетчердің сөзіне сүйенсек, апаттық жағдай болғандықтан оны қашан қалыпқа келтіретінін айту мүмкін емес.