Өскемен мен ШҚО ШҚО ауруханалары тексеріледі
Облыс тұрғындары ауруханаларда тегін дәрілердің жоқ екендігін айтып көп шағымдануда
2018 жылдың соңында ҚР Денсаулық сақтау министрлігі мен Әлеуметтік медициналық сақтандыру қорының, "СК-Фармация" ЖШС мамандары тексеріс жүргізіп, Шығыс Қазақстандағы ауруханалардың дәрі-дәрмек бермеу фактілерінің жиілегенін анықтаған.
Өткен жылдың қараша-желтоқсан айларында тегін дәрі-дәрмек берілуі тиіс науқастардың барлығына берілген медикаменттерінің рецептісі мен берілген күні көрсетілген смс-хабарламалар жіберілген. Барлығы 191 мың адамға СМС-хабарлама жолданған. Егер науқастар бұл дәрілерді алмаған болса, онда СМС жіберілген нөмірге "0" санын жіберу керек болатын. Нәтижесінде қайта смс жолдаған үш мыңға жуық азаматтың 441-і мүлдем дәрі-дәрмек алмағаны, ал 32-сі қандай диспансерде есепте тұрғанын білмейтіні, 10-ы анда-санда ғана дәрі алып тұрғаны белгілі болған.
Ал дәрі-дәрмек алмағандардың көбі Шығыс Қазақстан облысының тұрғындары болып шыққан. Әсіресе, Защита темір жол ауруханасы, Өскемен қалалық №1 және №2 поликлиникаға шағым жасағандар көп.
- ҚР Денсаулық сақтау министрлігінің Фармация және қоғамдық денсаулықты сақтау комитеті тексеріп жүргізіп, шыққан нәтижелерге байланысты мәліметтердің барлығы құқық қорғау органдарына жолданады, - дейді "Әлеуметтік медициналық сақтандыру қоры" КЕАҚ Ботагөз Жақсылықова.