Өскемен мен ШҚО "Шегіп алып" көлік жүргізген Өскемен тұрғыны ұсталды
Полиция қызметкерлері Металлургтер көшесінде "теңселіп жүрген" BMW көлігіне көзі түсіп, оны тоқтатқан
Жүргізушінің құжаттарын тексере келе, оның қолында тек көліктің ғана құжаттары барын, ал жүргізуші куәлігінің жоқ екендігін анықтаған. Кейін белгілі болғандай, азамат осыдан екі жыл бұрын жүргізу куәлігінен айырылған. Оның үстіне, есірткі шегіп алып рөлге отырған.
- Азамат ҚР ҚК-тің 346 бабы, 1-тармағы бойынша айыпты деп танылды, - дейді ШҚО ПД баспасөз қызметі.
Енді азаматқа, ең кем дегенде, 200 айлық есептік көрсеткіш (500 мың теңге) көлемінде айыппұл салынуы мүмкін.