Өскемен мен ШҚО Қызметтік көлікті айдап кеткен
Алтай ауданының тұрғыны қызметтік көлікті ұрлап кеткен
30 желтоқсан күні 102 арнасы жергілікті тұрғын хабарласып, белгісіз біреулердің оның көлігін ұрлап кеткенін айтқан.
Оның айтуынша, көлік қызметтік болатын және үйінің ауласында қаңтарылып тұрған. Ал өзі жарты сағатқа ғана өз жұмыстарымен айналып қалған.
- Тәртіп сақшылары бірнеше сағаттың ішінде күдіктіні дереуц анықтап, ұрланған көлікті зардап иесіне қайтарды. 31 жастағы күдікті енді өзгенің мүлкін заңсыз иемденгені үшін ҚР ҚК 200-бабы 1-бөлігі бойынша қылмыстық жауапқа тартылады, - деп мәлімдеді ШҚО ПД Мемлекеттік тіл және ақпараттар басқармасының басшысы Айгерім Нұрғазина.
Күдіктіге қатысты сотқа дейінгі тергеу басталған.
Жалпы, ШҚО ПД ақпараттарына сүйенсек, Жаңа жыл қарсаңындағы түнде 70 қылмыстық құқықбұзушылық тіркелген. Оның 31-ін тәртіп сақшылары ізін суытпай ашып үлгерді.