Өскемен мен ШҚО Өскемендіктер Жаңа жылды қалай қарсы алады
Өскемен қаласының әкімдігі 31 желтоқсанда қала тұрғындарын қандай іс-шаралар күтетіндігін айтты
Жаңажылдық кешке ұйымдастырушылар спорттық жарыстар және концерттік бағдарлама мен басты алаңда отшашу дайындады, деп хабарлайды Устинка LIVE.
31 желтоқсанда сағат 14.00-ден 16.00-ге дейін "Алтай" және Комсомол аралдары стадионында спорттық жарыс - көңілді старт өтеді. Сонымен қатар, "Темекіні кәмпитке ауыстыр" тақырыбында салауатты өмір салтын ұстану акциясы ұйымдастырылады.
Кешкі сағат 22.00 -де, Комсомол аралында, Комедтантка өзенінің жағасында және Республика алаңында қаланың шығармашылық ұжымдары тұрғындарға "Қош келдің, Жаңа жыл!" атты концерттік бағдарлама ұсынады.
- Қала тұрғындары Комсомол аралында мерекелік отшашуды 00.00-де, Коменданткада сағат 00.30-да, ал Республика алаңында 01.00-де тамашалайтын болады, - деп хабарлады қалалық әкімдіктен.
Сонымен қатар, мереке күндері қалада мұз айдындары жұмыс істейтін болады: Алтай стадионы 31 желтоқсан сағат 11.00-ден 18.00-ге дейін, 1 қаңтарда -12.00-ден 23.00-ге дейін, 2 қаңтарда -11.00-ден 23.00-ге дейін. Ал Комсомол аралында 31 желтоқсанда 09.00-ден 02.00-ге дейін, 1, 2 қаңтарда - 09.00-ден 23.00-ге дейін.
Өскеменнің ең кішкентай тұрғындары 27-30 желтоқсан күндері сағат 10.00-де, 12.30-да, 14.30-да облыстық драма театрында өтетін "Сенімді дос" жаңажылдық қойылымын көре алады. Сондай-ақ, премьераны 3, 4, 6, 11, 18, 25 қаңтарда 12: 00-де көруге болады. Билеттің бағасы 800 теңге.
Мерекелік отшашуды Республика алаңында тамашалау қала тұрғындарының айтуынша, жыл сайынғы отбасылық дәстүрге айналған.
