Өскемен мен ШҚО 2019 жылы Өскеменде аулалар абаттандырылады
Қазірдің өзінде қала басшылығы "Менің аулам" бағдарламасымен келесі жылы қайта құруға арналған нысандардың тізімін қарастыруда
Өскемен қаласының әкімі Жақсылық Омар екі ауланы, атап айтсақ, Виноградов көшесіндегі (21, 23, 25, 27 және 29-үй) және Сатпаев даңғылы бойымен (48, 50, 50/1, 52 және 54) қарап шықты, деп хабарлайды Устинка LIVE .
Қалалық әкімдіктің айтуынша, бұл аулаларда жобалар бойынша аулалар кеңейтіледі, жаяу жүргіншілер жолы салынатын болады, қоршаулар орнатылады, автотұрақтар мен ойын алаңдары құрылады, көгалдандыру жоспарланып, ағаштар отырғызылады. Бұдан басқа, демалыс орындары мен жаттығу алаңдары бой көтермек. Сондай-ақ, осы аулаларда жарықдиодты LED шамдар қолданыла бастайды.
Қалалық тұрғын үй-коммуналдық шаруашылығы бөліміндегілер барлық жобалардың әлі қаралу үстінде екенін айтты. 2019 жылы қалпына келтірілетін аулалардың соңғы тізімі кейінірек жарияланатын болады.
