Өскемен мен ШҚО Өскеменде әлеуметтік отынның жетіспеу мәселесі шешілуде
Бекітілген келісім шарттың арқасында "Қаражыра" көмір шахталары қосымша 5 мың тонна әлеуметтік көмірді жеткізе бастады
Өскемен әкімдігінің хабарлауынша, желтоқсанның 4-і мен 9-ы аралығында облыс орталығына 60 вагон антрацит жеткізілген. Осы уақыт ішінде халыққа 105 автокөлік немесе 488,6 тонна отын таратылған.
- Қазіргі уақытта теміржолмен облыс орталығына отын үздіксіз жеткізілуде . Халыққа көмірді шығаруды жергілікті өзін-өзі басқару комитеттері бақылайды, -деп хабарлады қала әкімдігі.
Естеріңізге салакетейік, ағымдағы жылдың қараша айында 35 мың тонна әлеуметтік көмір сатылды. Дегенмен, алдын-ала ақпарат бойынша көмірге кезегінде әлі 800-ге жуық адам бар. Сол үшін қалалық билік әлеуметтік қатты отын жеткізуді арттыру үшін тасымалдаушылармен қосымша меморандум жасады.
Қала басшысы Жақсылық Омар Өскемен қаласының тұрғын үй-коммуналдық шаруашылық басқармасына және СКМ басшыларына барлық мәліметтерді жаңартуға және тұрғындардың көмір алуын бақылауға, сондай-ақ болашақта әлеуметтік көмекті жеткізуге тиімді болу үшін, көмірді жеңілдікпен алуға құқығы бар азаматтардың электрондық тізімін жасауға тапсырма берді.
