Өскемен мен ШҚО Өскемендегі пиротехника сатушыларына ескерту жасалды
Жаңа жыл қарсаңында Өскемен қалалық ТЖБ мемлекеттік өрт бақылау бөлімі инспекторлары полиция қызметкерлерімен бірлесіп, рұқсат етілмеген пиротехниканы сату орындарын анықтау үшін қаладағы толайым сауда орындарын аралып шықты
"Заречный" базары мен Тәуелсіздік даңғылындағы толайым сауда үйін аралап шыққан инспекторлар өрт қауіпсіздік талаптарын еске салды.
- Қазір адамдар фейерверктер мен пиротехникаларды сатып алып жатыр. Бірақ көбі өз қауіпсіздіктері туралы ойламай, отшашуларды кез келген жерден сатып ала береді. Өйткені рұқсаты жоқ сатушылардың тауары арзанырақ болады, - дейді Өскемен қалалық ТЖБ баспасөз хатшысы Марина Лискова.
Оның айтуынша, рейд нәтижесі көрсеткендей базардағы сатушылар отшашуларды ашық сатпайды. Тек сатып алушы сұраса ғана, алып шығатын көрінеді. Әзірге тексерушілер кішкене қораптағы петардаларды ғана тапқан. Бірақ осы кішкене петардалардың өзі үлкен қауіп төндіреді. Сатушыларға келесі аптадан бастап отшашу сатуға рұқсаты жоқтарға әкімшілік шаралар қолданылатындығы ескертілді.
