Өскеменде бірнеше көше жабылады

Өскемен қаласының ішкі саясат басқармасының мәліметінше, бұл шара мерекелік іс-шараларды өткізу кезінде адамдардың қауіпсіздігі үшін қажет, деп хабарлайды Устинка  LIVE.
14 желтоқсан сағат 10.00-ден бастап сахна орнатуға байланысты Республика алаңы және 15 желтоқсан сағат 18.30-дан бастап Қазақстан көшесіндегі "Сулпак" СҮ алды жабылады.

16 желтоқсанда, сағат 8.00-ден 21.00-ге дейін, Қазақстан Республикасының Тәуелсіздік күнін мерекелеуге байланысты Республика алаңына «үлкен шеңберде»  тосқауыл қояды. Яғни, автокөліктер Орджоникидзе көшесімен жүре алмайды, сондай-ақ, Киров көшесінен Пермитин көшесіне қиылысудың бір жағы және М.Горький көшесі жабылады.  Қ.Қайсенов көшесінің қиылысынан Қабанбай батыр көшесінің қиылысына дейінгі Қазақстан көшесі де жабылады.

Сонымен қатар, 17 желтоқсан күні сағат 16.00-де «Жарқырай шырша!» атты театрландырылған музыкалық қойылымды ұйымдастыру үшін Республика алаңына тосқауыл қойылады.