Өскеменде мас жүргізуші автобус жүргізген

Енді мас күйінде автобус басқарған жүргізушімен бірге, автопарк басшылығы да жауапқа тартылады, деп хабарлады Устинка LIVE. 

Полиция қызметкерлері күдік тудырған ПАЗ-4230 жолаушылар автобусын тоқтатып, жүргізушінің құжаттарды талап еткенде, оның жеңіл дәрежелі масаң күйде  екендігі анықталды. Нәтижесінде 57 жастағы ер адам медициналық тексеруден өткеннен кейін,   оған ҚР ƏҚбК 608-бабының, 1-бөлімі бойынша әкімшілік хаттама толтырылды. Әкімшілік жауапкершілік туралы шешім сот органдарына жіберіледі.

- Мас жүргізушіге  және автобусты жолға  шығару үшін жауап беретін автопаркке 40 АЕК (шамамен 96 мың теңге) мөлшерінде айыппұл салынады, - деп хабарлады ШҚО ПД баспасөз қызметі.

Полиция қызметкерлерінің айтуынша, бір апта ішінде жедел-алдын алу іс-шарасы барысында техникалық жетіспеушілігі бар автокөлікті желіге шығарғаны үшін автобус парктеріндегі 13 қызметкер әкімшілік жауапқа тартылған.