Өскемен мен ШҚО Өскеменде жасөспірімдерге алкоголь сатқан сауда орындары лицензиясынан айырылатын болады
Қала тұрғындары кейбір сауда орындарының жасөспірімдерге ішімдік сата беретіндігін айтып билікке шағымдануда
Қала әкімімен кездесу кезінде тұрғындар тарапынан заңсыз ішімдік саудасы жайлы көп шағым келіп түскен.
Мәселен, Өскемен қалалық кәсіпкерлік бөлімінің мамандары түскен шағымға байланысты "Жібек жолы" дүкенін тексеріп қайтты.
- Мұнда кәмелеттік жасқа толмағандарға ішімдік пен табак өнімдерінің сатылғаны жайлы дерек тіркелді. Заңбұзушылық сотқа жіберілді. Ал сауда орнының иесіне айыппұл салынып, спирттік ішімдіктер сатуға бір ай тыйым салынды, - дейді қала әкімдігі.
Сонымен қатар, Карбышев аялдамасындағы дүңгіршектің де иесіне айыппұл салынған. Бұл саудагер ішімдікті лицензиясыз сатқан екен.
