Өскемен мен ШҚО Апат салдарынан екі жапон көлігі зақымданды
Жол-көлік оқиғасы кеше күннің екінші жартысында Риддер қаласындағы жолдардың бірінде орын алды
Subaru Forester және Subaru Outback көліктері соқтығысқан. Оқыс оқиға Гагарин даңғылы бойында сағат 14.30 шамасында орын алды.
- Subaru Forester жүргізушісі даңғыл бойымен келе жатып, көлік тізгініне ие бола алмай қалған. Нәтижесінде көлік айналып қарсы жолаққа шығып кеткен, - деп хабарлайды ШҚО ПД баспасөз қызметі. - Сөйтіп қарсы жолақтағы Subaru Outback көлігіне соғылған.
Полиция қызметкерлері мәлімдегендей, ЖКО салдарынан зардап шеккендер жоқ. Ал Subaru Outback-тың бампері, ал екінші көліктің шанағының артқы жағы қатты зақымданған.
Тәртіп сақшылары оқиға факті бойынша әкімшілік іс қозғады.
