Орлов кенішінде екі жұмысшы қайтыс болды
"Шығыстүсмет" ЖШС басшылығы хабарлағандай, жарақат алған үшінші жұмысшы ауруханаға жеткізілген
2018 жылдың 2 желтоқсанында сағат 9.00 шамасында Орлов шахтасының ішінен ес-түссіз жатқан үш жұмысшы табылған. Оқиға орнына келген мамандар екі жұмысшының көз жұмғанын, ал үшіншісінің ес-түссіз жатқанын, бірақ аман екенін анықтаған.
Қазір оқиғаның анық-қанығы тексерілуде, бұған арнайы тергеу комиссиясы да құрылды.
KAZ Minerals Тобы көз жұмған жұмысшылардың туған-туысқандары мен дос-жарандарына көңіл айтады.