Өскемен мен ШҚО 3,5 мың балаға алимент төленді
Жыл басынан бері өзінің кәмелетке толмаған баласын асырауға ақша бермеген 107 ата-ана істі болды
Алименттерді төлеу мәселесі Шығыс Қазақстан облысы прокуратурасының тұрақты бақылауында.
- Қазіргі кезде облыстың барлық аумақтарында жұмыс топтары құрылған, - деп мәлімдейді мекеменің баспасөз қызметі. - Оның құрамына құқық қорғау, прокуратура органдарының қызметкерлері, сот орындаушылары мен басқа да мүдделі ұйымдардың өкілдері кірген. Осы жылы бірлескен жұмыс пен тығыз ынтымақтақтастық және қолданылған шаралар арқылы жалпы сомасы 130 млн.теңге көлемінде берешектер өндірілген. 3,5 бала өздерінің ата-аналарынан ай сайын заңды төлемдерді алуда.
Облыстың 528 тұрғыны жұмыссыз ретіне есепке қойылған, олардың 166 жұмысқа орналастырылып, курстарға және қайта оқытуға жіберілген. Алимент төлеуден қасақана жалтарғандарға қатысты қатаң шаралар қолданылуда.
- Жылдың басынан бастап, кәмелетке толмағандарды асырау міндеттерін орындамағаны үшін 116 борышкер әкімшілік жауапқа тартылды, олардың 107- қамауға алынып, 9 - айыппұл төлеген, - дейді прокуратурадағылар.
Сондай-ақ, 29 борышкер қылмыстық жауаптылыққа тартылды. 22 тұлғаға қатысты бас бостандығынан шектеу түрінде жаза қолданылып, жәбірленушілермен татуласуына байланысты 7 борышкерге қатысты істер тоқтатылды.