Өскемен мен ШҚО Өскемендіктер ҚР Тұңғыш Президенті күнін атап өтуге дайындалып жатыр
Өскемен тұрғындары бір апта ҚР Тұңғыш Президентінің Күнін атап өтеді, сондай-ақ, салтанатты шаралар легі күтілуде
1 желтоқсан А.С. Пушкин атындағы облыстық кітапхананың оқу залында "Ойларымды халықпен бөлісемін" атты әдебиет көрмесі болады. Бұл жинақта Нұрсұлтан Назарбаевтың кітаптарынан, баяндамаларынан және сөйлеген сөздерінен үзінділер келтіріледі.
27 қараша күні Күленов ауылы, Халықтар достығы көшесі, 1 мекенжайында орналасқан емхананың ашылуы болады.
Келесі күні, 28 қарашада облыстық драма театрда "Елбасы - Ұлт Мақтанышы" салтанатты жиыны өтеді.
29 қарашада О.Рыпакова атындағы атлетикалық алаңда жастар флеш-моб өткізеді. Қазақстан көшбасшысына арналған концерттер қаланың барлық шағын аудандарында, Шығыс ауылында, Аблакетка ықшамауданында, Согра кентінде өтеді.
1 желтоқсанда Комсомол аралдарында мемлекеттік қызметшілер, еңбек ардагерлері арасында спорттық, шахмат, бильярдтан жарыс өтеді. Стаханов көшесінің бойындағы спорт кешенінде, Шығыс ауылында ұлттық спорт түрлерінен, жеңіл атлетикадан облыстық жарыстар өтеді.
Сондай-ақ, 1 желтоқсанда облыстық драма театрының әртістері "Елін сүйген Елбасы" концертіне шақырады, ал қаланың этномәдени бірлестіктері мен шығармашылық ұжымдары металлургтер мәдениет сарайында қонақтарды күтеді.