Өскемен мен ШҚО Прокуратураның көмегімен мүмкіндігі шектеулі жанұя баспанаға ие болды
Катонқарағай ауданыныың прокурорлары мұқтаж жандардың құқығын қорғау үлкен мән беруде
Атап айтқанда, мүгедектерге әлеуметтік көмек көрсетуін реттейтін заңнаманың сақталуына талдау жүргізіліп, нәтижелері бойынша уәкілетті органдардың қызметінде көптеген бұзушылықтар анықталды. Аудан әкімінің атына қадағалау актілері енгізіліп, 12 лауазымды тұлға тәртіптік жауаптылыққа тартылған.
- Ықпал ету шараларымен ұзақ уақыт тозығы жеткен үйде тұрып жатқан мүгедектің отбасына қолайлы пәтер берілді. Сондай-ақ, үш мүгедек баласы бар жалғызбасты әйелдің үйі күрделі жөндеуден өткізіліп, жаңа ноутбук сыйға тартылды, - деп хабарлады ШҚО Прокуратура баспасөз қызметі.
Аудан прокуратурасының бастамасымен, мүгедек балалар мен олардың ата-аналарының қатысуымен «Жүрек жылуы» атты қайырымдылық концерті өткізілді. Сонымен қатар, жергілікті мектеп оқушыларының қолынан шыққан бұйымдардың жәрмеңкесі өткізіліп, сатылған бұйымдардан түскен қаражат мұқтаж отбасыларға таратылды. Мүмкіндігі шектеулі балалардың барлығы сыйлық пен назардан тыс қалмады.
