Өскемен мен ШҚО Өскеменде полиция қызметкерлері өртті сөндіруге көмектесті
Өрт сөндіру қызметі жеткенше өртті сөндіруге тәртіп сақшылары көмектескен
Оқыс оқиға бүгін сағат 11.00 шамасында "Дос-Нар" базары маңында орын алды. Тұрақта тұрған Chevrolet Cruize көлігі жана бастаған.
Жалын көлік жанындағы көліктерге қатер туғызған соң көлік иесі мен оқиға орнына жеткен тәртіп сақшылары өз күштерімен өртті сөндіруге мәжбүр болған. Бейнежазбада байқалғандай, көлік иесі өртті баллондағы сұйықтықпен өшірсе, тәртіп сақшылары су құбыршегін пайдаланған.
Зардап шеккендер туралы ақпарат жоқ.