Өскемен мен ШҚО Профилактикалық іс-шара өтуде
ҚР ІІМ бұйрығын орындау барысында ағымдағы жылдың 12-23 қарашасы аралығында Шығыс Қазақстан облысы аумағында "Подучетник" атты республикалық профилактикалық іс-шарасы өтуде
ШҚО бойынша ҚАЖД Жарма аудандық №1 пробация қызметі Жарма АІІБ-мен бірлесіп атқарылатын жұмыс жоспарын құрды. Жоспар бойынша пробация қызметі есебіндегі қоғамнан оқшаулаумен байланысты емес жаза түріне сотталғандар тарапынан жасалынатын қайталама қылмыстар мен құқықбұзушылықтардың алдын алу мақсатында жергілікті учаскелік полиция қызметкерлерімен бірлесіп, есепте тұрғандардың тұрғылықты мекенжайларын түнгі уақыттарда тексеріп, профилактикалық әңгімелер жүргізілді.
"Подучетник" атты республикалық профилактикалық іс-шарасын өткізу барысында жүргізілген профилактикалық шараларға құлақ аспай, жаза өтеу тәртібін жүйелі түрде қасақана бұзған Жарма аудандық №1 ПҚ есебіндегі "Д" есімді және "Л" есімді азаматтардың ҚР ҚК-ның 44-бабы 3-бөлімімен және ҚР Қылмыстық-атқару кодексінің 68-бабы 2-бөлімімен бас бостандығынан шектеу жазасын бас бостандығанан айыру жазасына ауыстыру туралы ұсыным жіберілді.
М. Баймулдинов, ШҚО бойынша ҚАЖД
Жарма аудандық №1 ПҚБ аға инспекторы,
әділет капитаны
