Өскемен мен ШҚО Өскеменде граффити салынған жерлерге есірткі жайлы плакаттар ілінуде
ШҚО Қоғамдық кеңесінің денсаулық сақтау жөніндегі эксперттік топтың мүшелері граффити салынған жерлерге енді өсірткі жайлы плакаттар іле бастауға шешім қабылдады
Ал граффити, шым-шытырық суреттер салынған үйдің қабырғалары мен ауладағы дуалдар ақ түспен боялып, орнына ақпараттық плакаттар ілінеді.
- Қазір есірткінің таратудың мүлдем жаңа жолдары пайда болуда, бұрынғыдан қолма-қол беру деген жоқ. Жасырын, кездеспей-ақ таратудың тәсілдері қолданылуда. Есірткі сатушы мен тұтынушылар жеке кездеспейді, СМС арқылы хабарлама беріп, есірткінің құпия қоймаларға қойып кетеді. Мұндай есірткі бизнесінің тарату тәсілдерімен күресу қажет, - дейді ШҚО ПД Есірткі бизнесіне қарсы күрес басқармасының профилактика жөніндегі бөлім басшысы.
Есірткі таратудың мұндай жасырын әдістерін табу үшін полицейлер мен жастар ұйымдарының өкілдері қалада жаппай рейд жасап, кейбір жайттарға көзі жеткендей болды. Біріншіден, мектептер мен жатақхана қабырғаларында, дуалдарында күмәнді жазулар мен үндеулерді көріп, мұның есірткі таратудың жолдарының бірі болуы мүмкін деген ой пайда болды. Одан бөлек, базарларда насыбайдың емін-еркін сатылып жатқанына да көз жетті.
