Өскемен мен ШҚО Өскемендегі "Ұлан" колледжі үздік автомектеп атанды
Жол қауіпсіздігі республикалық апталығы аясында Өскемен қаласында "Үздік автомектеп-2018" байқауы өтті
Ұйымдастырушылар жол қозғалысы мәселелеріне қоғамның назарын аудару мақсатында аталған байқау түрін өткізіп, автомектеп курстанттары арасында жарыс өткізді.
Байқауды ШҚО ПД Әкімшілік полиция басқармасы ұйымдастырған. Жүргізуші куәлігін алушы үміткерлерге 40 сұрақтар тұратын тестілеу жұмысы берілді.
Теориялық емтиханнан үшінші орынды Анастасия Каплунова алса, екінші орынды Анель Шәріпкан, бірінші орынды Инабат Ержанова алды. Екі қыз да "Ұлан" автомектебінде оқыған екен. Аталған автомектептің шәкірттері небары 4 минут 36 секунд және 3 минут 18 секундтың ішінде сұрақтарды шешіп тастаған.
ШҚО ПД баспасөз қызметі хабарлағандай, байқауға қатысқан 15 қатысушы да жақсы нәтиже көрсеткен.
