Өскемен мен ШҚО ШҚО-да аз қамтылған отбасыларға өрт хабарландыру құралдары орнатылмақ
Үржар ауданының өрт сөндірушілер аз қамтылған отбасылардың үйіне өрт не түтін шыққанда, дабыл қағатын құралдарды тегін орнатуды бастады
Құтқару қызметі мамандарының мұндай шешім қабылдауына аудан өрт жағдайларының көбейгені себеп болған. Үржар аудандық төтенше жағдайлар бөлімінің хабарлауынша, биыл өрт саны 58%-ға өскен.
Сондықтан құтқарушылар Үржар аудандық әкімдігімен бірігіп, аз қамтылған отбасылардың үйіне қондырғылар орнатуға келіскен. Мұндай арнайы датчиктер түтін шыққанда, бірден дабыл беріп, өрт қызметіне хабар таратады. Алдағы уақытта 30 датчик орнатылмақ.
