Семейде көпқабатты үйлердің аулалары жөнделеді

Қаланың кейбір аулалары қазірдің өзінде жөнделіп қойған: аулаларға асфальт төселіп, бордюрлер қойылған, көшеттер отырғызылған.

Ал облыс әкімі Даниал Ахметовтің айтуынша, жөнделетін аулалардың саны жыл сайын көбеймек.

- Келесі жылы аула жөндеу жұмыстарына 1 млрд теңге бөлінеді. 2020 жылы да дәл сондай қаржы бөлінетін болады. Үш жылдың ішінде қаладағы аулалардың көпшілігін жөндеп бітеріміз, - дейді Семей қаласына жасаған іссапарында.

Одан бөлек, Даниал Ахметов алдағы уақытта қаланың ыстық сумен қамтамасыз етілетінін де айтты.