Өскемен мен ШҚО Өскемендегі Бәйтеректің жанындағы айналма жолмен қалай жүрген дұрыс?
Мамандар жол қозғалысы қиын жерлерде қалай жүру керектігін түсіндіруде
Бұл жолы Өскемен қоғамдық кеңесінің өкілдері Қазақстан, Пермитина, Славский атындағы жағалау көшелері мен Жеңіс даңғылы қиылысқан Бәйтерек айналма жолында қалай қозғалыс жасау керектігін түсіндірді.
Өскемен қаласы полиция басқармасының жол техникалық инспекция бөлімінің басшысы Сергей Коваленконың айтуынша, айналма жолға төрт көшеден де бұрылуға болады әрі айналмаға қосылар алдында қажетті жолақты алдын ала таңдап алып, бірден соған түсу керек.
- Айналмаға келген кезде оң жақ бұрылыс жарығын жағып, айналманың сол жағына қарай ауысу қажет. Бірақ айналмадан Ертіс көпіріне қарай шығар кезде, ең сол жақ жолаққа шығып кетпей, үш жолақтың бірімен жүру керек, - дейді Сергей Коваленко.
Ал Пермитина көшесінен келе жатқан жүргізуші Ертіс көпіріне шығу үшін айналманың ең түпкі сол жақ жолағына түсіп жүру керек, ал Славский атындағы жағалауға өту үшін оң жақ жолақты таңдау қажет. Полицейлер дәл осы нәрсеге қарайды. Ал Жеңіс даңғылына өту үшін бірінші жолақты таңдау қажет, екінші жолақпен келіп бұрылған жүргізушілердің кесірінен көп жол апаты болуда.
