Өскемен мен ШҚО Өскемендегі кей дүңгіршек, дәмхана, дүкендері қала көркін кетіріп тұр
Қала әкімі Жақсылық Омар кәсіпкерлерді осы сұраққа байыппен қарауға шақырды. Облыс орталығында бизнес өкілдерінің қатысуымен жиын өтті
Өскемен қалалық әкімдіктің баспасөз қызметі хабарлағандай, жеке кәсіпкерлерге өз нысандарырның сыртқы көрінісіне баса назар аударту үшін байқау да жарияланған.
- Біз бизнесті қашан да қолдауға дайынбыз, - деп атап өтті Жақсылық Омар. - Алдағы уақытты қала кәсіпкерлерінің мәселелерін шешуде белсенділік танытатын боламыз. Алайда кәсіпкерлер де қала мен қоғам алдындағы өз жауапкершіліктерін сезінулері керек.
Айта кетейік, қаладағы ең үздік безендірілген және жарықтандырылған нысандар арасындағы байқау қорытындысы БАҚ-та жарияланатын болады. Нәтижелер 31 желтоқсанда белгілі болмақ.