Өскемен мен ШҚО Өскемендік автоеріктілер алғашқы айдың жұмысын қорытындылады
Осы уақытқа дейін 21 өтініш келіп түскен, мүмкіндігі шектеулі 15 жан мейірімді жүргізушілерден көмек алған
Жаңа істі бастау оңай емес. Әсіресе, ол іс қайырымдылықпен байланысты болса. Автоеріктілер мен ұйымдастырушылар жобаны бастамас бұрын осынша адамның ерекше жандарға қол ұшын созуға дайын екендіктерін күтпеген, деп хабарлайды Устинка LIVE.
Алайда, WhatsАpp мессенджерінде чат ашылған күннен бастап мүмкіндігі шектеулі жандарға, жалғызбасты зейнеткерлерге, ҰОС ардагерлері мен көпбалалы жанұяларға қол ұшын созып, көмектескісі келетіндер көп болған. Күн сайын топтағы еріктілер саны да көбейе түскен.
- Осы айда бізге 21 өтініш келіп түскен. Олардың 15-іне еріктілер бірден жауап қайтарды, - дейді жобаның ұйымдастырушысы. - Біз өтініштерді қабылдауды жалғастырудамыз.
Әркімнің ерікті болуға мүмкіндігі бар. Ол үшін тек бос уақытыңыз және көмектесуге ықыласыңыз болса жеткілікті. Жобаға қосылу үшін өздеріңіз туралы ақпаратты (ТАӘ, ұялы телефон нөмірі, автокөлік маркасы, мемлекеттік нөмір) бірыңғай WhatsАpp +7-747-911-00-11 нөміріне жолдаса болғаны.
