Өскемен мен ШҚО Қала сыртындағы тас жолда көлік аударылып қалды
ЖКО кеше күннің екінші жартысында Өскемен-Риддер тас жолы бойында орын алған
Тас жол үстінде BMW маркалы көлігі аударылып қалған. Полиция қызметкерлерінің айтуынша, апатқа шетел көлігінің жүргізушісі кінәлі
- Көлік тізгінінде 1991 жылғы ер адам отырған, - деп хабарлады ШҚО ЖП баспасөз қызметі. - Ол көлік тізгініне ие бола алмай, жыраға түсіп кеткен. Апат салдарынан көлік жолаушысы зардап шегіп, дәрігерлердің көмегіне жүгінді. Ал жүргізуші дін аман.
Тәртіп сақшылары анықтағандай, 28 жастағы жүргізуші ішімдік ішкен көрінеді. Оған қатысты ҚР ӘҚК 608-бабы, 1-бөлімі бойынша хаттама толтырылды.
Бұл бапқа сәйкес, енді автокөлік жүргізушісі үш жылға көлік жүргізу куәлігінен айырылуы мүмкін.