Өскемен мен ШҚО Өскемендік "Торпедо" түмендік "Рубиннен" жеңіліп қалды
Түмен қаласына қонақта болған "Торпедо" лайықты ойын көрсете алмады
Жоғары хоккей лигасы ойындарына қатысып жатқан "Торпедо" жеңілістен көз ашпады. Бұл жолы Түмен қаласына аттанған өскемендік клуб жергілікті "Рубин" командасымен кездесіп, 2:4 есебімен жеңілді.
Ойынның бірінші кезеңінде екі команда да тең ойлап, қарқынды күш көрсетті. Ал екінші кезеңде "Торпедо" шаршап қалды ма, кім білсін, ойын басталысымен-ақ қақпасына екі шайба жіберіп алды. Ал үшінші кезеңде ойын мүлдем қызды, екі команданың ойыншылары төбелесіп қала жаздады. Әсіресе, екі команданың да ұпайы екіге теңескен кезде, бәсеке қыза түсті.
Ойынның 45-ші минутында Талғат Жайлауов қарсы қақпаға шайбы соғып, ұпай алды. Алайда 17 секунд ішінде қарсылас команда ұпай арттырып үлгерді. Ойынның 52-ші минутында соғылған шайбы "Торпедоның" еңсесін мүлдем езіп жіберді.
Өскемендік клуб келесі ойынын 28 қазан күні "Саров" хоккей клубымен өткізеді.
