Өскеменде демалыс күні жәрмеңке жаңа орында өтеді

Ауыл шаруашылық өнімдерінің жәрмеңкесі Мыза көш., 16/1 мекенжайындағы “Альшемали” сауда үйінде таңғы сағат 8.00-ден 15.00-ге дейін өтеді.

Өскемен қаласы әкімінің баспасөз қызметі ұсынған ақпараттарға сүйенсек, жәрмеңкеде ет, сүт, нан өнімдерін сатып алуға болады.

Тауар өндірушілер мен кәсіпкерлерге тегін сауда орындары бөлінеді.

- Жәрмеңкеде сауда орындарын алу үшін 26 қазанға дейін Өскемен қалалық кәсіпкерлік бөліміне хабарласуды сұрайды, - деп қосты Өскемен қалалық әкімдігінің баспасөз қызметі.

Кәсіпкерлік бөлімі Киров көшесі, 31 мекенжайында орналасқан. Анықтама телефондары: 24-39-86.