Өскемен мен ШҚО ШҚО-да құтқарушылар марапатталды
Өскемен қаласында Құтқарушылар күніне орай салтанатты шара өтіп, құтқару қызметімен айналысатын қаһармандар марапатталды
Қазақстанда 2008 жылдан бастап 19 қазан - Құтқарушылардың кәсіби мерекесі деп бекітілген болатын. Содан бері адам өмірін арашалап, қиын да шұғыл жағдайлардан аман алып шығатын қаһарман құтқарушылардың төл мерекелерін атап өтіп келе жатқанына он жыл уақыт болды.
Соған орай, бүгін ШҚО ТЖД мен Өскемен ТЖБ-ның он қызметкері марапатталды.
Мекеменің баспасөз қызметі хабарлағандай, төтенше жағдайда ерлік пен жауапкершілік көрсеткен өрт сөндірушілер мен құтқарушылардан басқа Құтқарушылар арасында өткен әлем чемпионатына қатысып жүлделі оралған спортшылар да марапатталған.
