Өскемен мен ШҚО №15 "Рахат" балабақшасы бес жылдығының құрметіне Ашық есік күнін өткізді
Қонақтарға кабинеттерді аралатып, ата-аналар мен балалар бірлесіп жасаған "Күз сыйы" және қазақ ұлттық қолөнері туындыларының көрмесін көрсетті
- Біздің балалар қалалық, облыстық ән, би байқауларына белсене қатысып, сан рет жүлделі орындарға ие болды, - дейді №15 "Рахат" балабақшасының директоры Сара Қапезова. - Балалардың қызығушылығын оятып, олардың дамуы үшін барлық жағдайды жасаймыз. Біздегі балалар үш тілде оқытылады.
Салтанатты шарада қала әкімінің орынбасары Ольга Булавкина құттықтау сөз алды.
- Бұл балабақша тәрбиеленушілері мектепке түскен кезде жақсы нәтижелер көрсетуде. Балабақшада тек 19-шы шағын ауданда тұратын балалар емес, Күленов кентінің балалары да тәрбиеленуде, - дейді Ольга Александровна.
