Өскеменде жаңа мүсіндер пайда болады
Мүсіндер облыс орталығында өтетін жас сәулетшілер байқауынан кейін орнатыла бастамақ
Қала басшысы Жақсылық Омар бүгінгі өткен аппараттық кеңес кезінде өз әріптестеріне көптен бері сәулетші студенттер арасында байқау өткізуді көздеп жүргендігін айтты.
- Сәулетшілер шағын сәулет туындыларын жасауы үшін байқау жариялағым келді, - дейді қала басшысы. - Байқауды осы аптада жариялау керек. Жастарымыздың ойы ұшқыр, бастама оларды жұмысқа жігерлендіреді. Ал біз нәтижесінде жақсы дүниелерге қолжеткіземіз де, олады қала аумағына қоюға болады.
Жобаны бақылауда ұстауды қала басшысы қалалық сәулет және қала құрылысы бөлімінің басшысы Дәурен Қасымовқа тапсырды.