Өскемен мен ШҚО Питер Коммунарлары көшесіне түскен күл қауіпті емес
ШҚО Экология департаментінің мамандары сараптама жасап, осындай шешім шығарған
Бір апта бұрын Питер Коммунарлары көшесіне жауып қалған күлдің тұрғындардың денсаулығына зияны жоқ, тіпті қоршаған ортаға тигізер пайдасы да бар.
Мекеме хабарлағандай, экологтар "Май" АҚ-да кезектен тыс тексеріс жүргізіп, бұл түскен күлдің кәсіпорын қазандығынан емес екенін анықтаған.
- Біз цехтің бу қазандықтарынан қатты күлтұтқыш және күл қалдықтарының да үлгілерін алып, зертханада сынама жүргіздік, - дейді ШҚО бас мемлекеттік экологиялық инспекторы Ерлан Тасбаев. - Сараптама нәтижесінде көшеден табылған күл мен кәсіпорын күлінен ешқандай сәйкестік анықталмады. Сол себепті "Май" АҚ-дың бұл күлге ешқандай қатысы жоқ.
Бас экологтың сөзіне сүйенсек, алты сағаттан кейін күл қалдықтары жерге сіңіп, өсімдіктер үшін тыңайтқыш болып кетті.