Өскемен мен ШҚО IMEI-код телефон ұрлығын азайтуға көмектеседі
1 қаңтардан бастап ұялы телефондардың әрқайсысы әр тұрғынның атына тіркеледі
Өскемен қалалық ІІБ басшысының Даур Ибраевтың айтуынша, IMEI-кодты телефон иесінің атына тіркелсе, тәртіп сақшыларының жұмысы жеңілдей түспек.
- Ұялы телефондарды жоғалту, ұрлатып алу туралы күнделікті деректер түсіп отырады, - дейді Даур Болатұлы. - Соңғы уақытта 14 әкімшілік хаттама толтырылды. Бұл азаматтар құжатсыз ұялы телефондарын сатқан.
Басшының сөзіне сүйенсек, IMEI-код телефон иесінің атына тіркелсе, қаскөйлер ұрлыққа бармайды. Өйткені ұрланған телефон бірден бұғатталады да, пайдалану мүмкін емес болып қалады.
