Өскемен мен ШҚО Өскемен тұрғыны алып асқабақ өсіріп шығарды
Асқабақтың алыптығы соншалық – үстіне кішкентай қыздың өзі отыра алады
Ал алып асқабақты өсірген Бабкина мельница ауданында тұратын Вячеслав Камчатный есімді бағбан. Оның өзі де бұрын-соңды мұндай алып асқабақты көрмегенін айтып таңқалып отыр.
- Асқабақты жылда қалай өсірсем, биыл да солай өсірдім. Қарапайым ғана тұқымнан өсіп шықты. Аздап органикалық заттар қосып суарғаным ғана болмаса, артық ешнәрсе істегенім жоқ. Көрген адамдардың барлығы таңқалып жатыр, - дейді Вячеслав Камчатный.
Асқабақтың ұзындығы 80 сантиметр, ал биікті – 40 см. Бағбан ендігі жылы да осындай ірі асқабақты өсіріп көруге тырыспақ.
