Өскемен мен ШҚО Өскеменде "УАЗ" көлігі бульдозерге соғылып қалды
Қатты соққының әсерінен ресейлік микроавтобустың алдыңғы бөлігі толықтай зақымданды
Жол-көлік апаты алдыңғы күні кешкісін орын алған, деп хабарлайды Устинка LIVE. Видеода көрінгендей, қолайсыз ауа райы мен жолдың су болуы салдарынан апат орын алған.
- Самар тас жолымен бағыт алған "УАЗ" көлігінің 1958 жылғы жүргізушісі қозғалыс аралығын дұрыс таңдамай "Dong-Feng" маркалы бульдозермен соқтығысқан, - деп хабарлайды Өскемен қалалық ТЖБ баспасөз қызметі. - Апат салдарынан "УАЗ" жүргізушісі ауруханаға жеткізілді.
Жол-көлік салдарынан бульдозер зақымданбаған. Қазіргі уақытта полиция орын алған апатқа қатысты ҚР ҚК-ның 345-бабы 1-бөлімі (автомобильдi, троллейбусты, трамвайды не басқа да механикалық көлiк құралын басқаратын адамның жол жүрісі немесе көлiк құралдарын пайдалану қағидаларын абайсызда адамның денсаулығына ауырлығы орташа зиян келтiруге әкеп соққан бұзуы) бойынша сотқа дейінгі тергеу жұмыстарын бастады.
Следующая →