Өскеменде қоқыс маңында шашылып жатқан жануар сүйектері жиналып алынды

Бабкина мельница ауданында шашылып жатқан қоқысты Өскемен қалалық ветеринария бөлімі жинады, деп хабарлайды Устинка LIVE.

- Біз жануарлардың шашылып жатқан сүйектерін жинап, мал көмуге арналған орынға апарып көмдік, ал қоқыс маңын 3 пайыздық каустикалық содамен шайдық, - дейді бөлім басшысы Серікхан Күдебаев.

Алайда қоқыстың өзі әлі тазаланған жоқ. Бұл маңда әлі тұрмыстық қалдықтар шашылып жатыр, соған қарағанда тұрғындар қоқыстарын осы жерге лақтырып кететін көрінеді.