ШҚО тұрғыны Қызыл кітапқа енген арқарды үйінде ұстаған

Зайсан ауданының 55 жастағы тұрғыны Қызыл кітапқа енген арқарды үй жануары ретінде ұстап келген және оны қоймен будандастырып, қойдың жаңа тұқымын алуды жоспарлаған.

Өз учаскесін аралап жүрген полиция қызметкері жабайы малдың үй жануарларымен бірге жүргенін көрген. Үйдің иесі арқарды қойлармен будандастыру үшін бір ай бойы ұстағанын түсіндірген.

ШҚО ІІД-нің баспасөз қызметі хабарлағандай, аталмыш факті бойынша алдын ала тергеу басталды. Қазір Қызыл кітапқа енгізілген арқардың тағдырын уәкілетті орган - ШҚО орман шаруашылығы және жануарлар дүниесі аумақтық инспекциясы шешеді.