Өскемен мен ШҚО ШҚО полицейлері тонауға жұмысшылар жалдаған ұрыны ұстады
Шығыс Қазақстан Ішкі істер департаментінің қызметкерлері 450 мың теңгенің затын ұрлаған 30 жастағы семейлік баукеспені ұстады
Бетімен кеткен ұры жер үйлердің ауласына емін-еркін кіріп, темір-терсек пен металдарды алып кететін болған. Мәселен, 3 қыркүйек күні ұры Уәлиханов көшесіндегі жер үйдің ауласына кіріп, 200 мың теңгенің затын ұрлап кеткен. Одан кейін Мамай батыр мен Найманбаев көшелеріндегі жер үйлерді тонаған.
Ал ұрланған металдарды ұрылар металл қабылдау орындарына апарып сатқан. Оның үстіне, алаяқ ұры жүк көлігі мен жұмысшыларды жалдап, тонап жатқан үйдің ауласына барып, металдарды бірге тиеген. Жұмысшылар ұрыға көмектестіп жатқанын сезбеген де.
Қазір құқыққорғау органдары соталды тергеу амалдарын жасауда.
