Өскемендегі коммуналшылар аллеяны қалпына келтіруге мәжбүр

Жұма күнгі Гагарин бульварындағы жастардың отырысынан кейін коммуналды мекеме қызметкерлері жөндеу жұмыстарына кірісуге мәжбүр. Ондағы орындықтардың барлығы төңкеріліп, қирап жатқан.

- Бұндай жағдайлар демалыс күндері жиі орын алып тұрады, - дейді Өскемен Тәртіп коммуналды кәсіпорынның баспасөз хатшысы Әсел Ахметжанова. - Орындықтарды қайта орнына қойып, қоқысты жинау – бергі жағы. Бәрінен де сорақысы кей кезде, тіпті, осындай отырыстардан кейін тақталарды жөндеуге тура келіп жатады.

Аллеядан өзге, демалыс күндері "Көгалдандыру" аялдамасын да қиратып кеткен. Вандалдар аялдама әйнегін сындырған.