Өскемен мен ШҚО Баласының қылмысы үшін анасына айыппұл салды
Зырян ауданында кәмелетке толмаған ұлының жасаған қылмысы үшін анасы айыппұл төлеуге мәжбүр болды
Зырян аудандық сотының қаулысына сәйкес, азаматшаға 7 АЕК көлемінде әкімшілік айыппұл салынды.
Ал зыряндық азаматша бұл айыппұлды ата-аналық міндеттерін орындамағаны үшін алып отыр.
Зырян аудандық сотының баспасөз қызметі хабарлағандай, анасы баласының тәрбиесіне көңіл бөлмегендіктен, бала сотқарлық жасаған. ШҚО №1 жасөспірімдер ісі бойынша аймақаралық мамандандырылған сот баланы жасаған қылмысы үшін ҚР ҚК 434-бабы бойынша айыпты деп тауып, 2 жылға бас бостандығынан айыру жазасын тағайындаған.
Зырян аудандық соты кәмелетке толмаған баланың анасын ҚР ӘҚБК 127-бабы бойынша айыпты деп тауып, 7 АЕК көлемінде әкімшілік айыппұл салған.
Қаулы заңды күшіне енген жоқ.
